بسم الله الرحمن الرحيم
الحمد لله رب العالمين

أســعــدكــم الــلــه



1 - واحد ( بخيل ) تزوج .... راح شهر العسل لوحده

2 - قهوجي اشترى سيارة جديدة ... طلع كراسيها برة

3 - واحد بيقول لأبوه : أنا عايز أكمل دراستي بره ... قاله: خلي أمك تفرشلك في الصاله

4 - راديو كلنا مصر

إذا كنت عقبري اكشتف الخطأ فين.؟

١٢٣٤٥٦٧٨٩
١٢٣٤٥٦٧٨٩
١٢٣٤٥٦٧٨٩

.عامل فيها يعني انك مركز قوى

الخطأ هو !!!!!

كلمة: عقبري - عبقري

كلمة:اكشتف - اكتشف

أنا ماقلتش الخطأ فى الارقام

لازم نرجعك أولى أتبدائي !!

حتى أولى أبتدائي خطأ

(ألوووو) مشتسفى المجانين

تعالى خدهم

حتى المستشفى غلط

ركزوا بقى

5 - رومانسية صعيدى

واحد بلديتنا رومانسى يغازل خطيبته ... قالها ياريتنى أدوس على وشك بالجزمة ... قالتله : يالهوى ... ليه
قالها : عشان ابقا اول صعيدى طلع القمر

6 - واحد بيجرى ورا القطار وعمال يجرى وراه ... ويقوم ويقع ... ويجرى ويقع ويقوم
الناس فى القطر بيتفرجوا عليه ويضحكوا ... واحد يطل عليه من شباك القطر ويقوله كفاية ياعم موتنا من الضحك
قالهم : دلوقتى حتموتوا من الرعب ... انا سواق القطر ياولاد ...

7 - تخيل لو اجزاء الكمبيوتر بتتكلم

الرامات: إلحقنا يامعلم بروسيسور هانفطس م الحر والواد مش بيرحم

البروسيسور: الله يحرق الفيس واللي إخترع الفيس

ماهو طول ماهو قاعد هيء وميء مع دي ودي عمره ماهيزهق

الكيبورد: كسر جسمي بصوابعه منه لله

الماوس: أومال أنا أقول إيه؟؟

دا كل مايشوف بوست بتاع بنت يروح دايس على دماغ أهلي عشان يعملها لايك

بس أنا كاماوس؟ ببقى مبسوط :)

الشاشة: شكلك وحش أوي يا ماوس

الماوس: خليكي إنتي على جنب دا كل ماتيجي أودامه صورة بنت حلوة يبوسك انتي ولا بتفتحي بوئك

لو تكهربيه ونستريح؟ أو تفرقعي ف وشه يروح يجيب لاب ويعتقنا؟

الويب كام: أنا بقى اللي مكتوب عليا أبص ف الخلقة دي كل شوية

دا كل مابيفتح فيديو كول ببقى عايزة ألف وشي الناحية التانية

المايك: ولا صوته يا أختي.. دا بيصدع اللي خلفوني وفاكرلي نفسه عبدالحليم حافظ

المازر بورد: محدش سامع صوتك يعني يا هارد؟! دا انت أس البلاوي كلها

الهارد: بس سبوني ف حالي أنا فيا اللي مكفيني

تدخلوا برتيشن فيا تحسوا انكو ف روتانا سينما

وبرتيشن تحسوا انكو ف ستاد

ولو دورتو ف الملفات المخفية قلبكوا هايتقطع ع البنات المساكين اللي مش لاقين لبس

السي دي روم: ماتلومش اللي نفسك ياهارد

الهارد: وانا أعمل ايه؟؟ أنا اللي بقدر عليه إني أعمله باد سيكتور كل فترة عشان أسقطله ويندوز

بتيجي على دماغك إنت ويحط فيك السديهاية ويسطبها تاني، وماينوبناش غير إعادة التعريفات

الشاشة: يلا ندعي كلنا ع الروتر يولع

ساعتها مش هيبقى في نت ويرحمنا بقى

الكيسة: بس بس حرام عليكي

لو الراوتر باظ هايروح يجيب يو إس بي مودم ويحطهولي فـ ....... إحم أحم.. بس خليني شايلة الهم وساكتة

كفاية هاريني فلاشات

الصب: قلبي عندك يا أختي

الكيسة: خليك إنت ف الأغاني الهابطة اللي بيخليك تغنيها وانت ذي الجزمة

الصب: أوباااااااااااا.. ليه الغلط بقى؟!

الشاشة: بس إسكتوا إنتوا هتتخانقوا؟!

إستنوا أمه جاية يمكن تخليه يقوم يذاكر ويرحمنا