بسم الله الرحمن الرحيم


أحاول اسعادكم ... فيها بنا نضحك قليلا لكى نستعيد بهجة الحياة وسعادتها

- واحد احول سالوه:ايه هى امنيتك في الحياة؟ قال اشوف واحد ماشى لوحده

- واحد حب يشتري فراخ فراح عند دكان الفراخ وقال للراجل لو سمحت انا عاوز فراخ فراجل ساله عاوزه مدبوحه ولا سليمه قاله سليمه فراجل قاله اطلع الدور التاني طلع الدور التاني فراجل تاني قاله عاوز الفراخ كامله ولا متقطعه قاله متقطعه فراجل قاله اطلع الدور التالت فراجل طلع الدور التالت فراجل تاني ساله عاوز الفراخ متكيسه ولا لا قاله متكيسه فراجل قاله بص احنا معندناش فراخ بس ايه رايك في النظام؟

- تلميذ بيسأل الأستاذ بيقول له:هو ممكن يعاقب الإنسان على حاجة معملهاش؟قال له:لا طبعا . ففرح التلميذ اوى و قال له خلاص انا معملتش الواجب

- واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له “اتفضل” التاني يقوله “لأ اتفضل إنت الأول.”

- واحد بيقول لخطيبته لما ازمرلك انزليلي قالتله:انت جبت عربيه جديده … قالها:لا جبت زماره …

- واحد فافى وهو نازل من البيت أمه سالته “رايح فين؟” فقال لها “مش هقولك انا حر” ، نزل ووقف تاكسى فالسواق ساله “على فين يا باشا؟؟؟” قال له يعنى أنا مقولتش لمامي هقول لك أنت”

- مرة اثنين واحد رزل والتانى تنح الاول قال للتانى علمنى الرزاله قاله اوكى اتصل برقم قال الحاج حسن موجود قاله لا راح اتصل تانى وقال الحاج حسن موجود قاله لا راح الاول قال لتانى انا علمتك الرزاله علمنى التناحة راح اتصل بنفس النمرة وقال انا الحاج حسن محدش سأل عليا

- حرامى دخل شقة علشان يسرق لقا واحدة تخينة اوى اعدت عليه وقالت لابنها نادى ابوك من القهوة فالحرامى قال :بسرعة يالا

- واحد مربى كتكوت مفترس كل ميدخلوا فى عشة ياكل الى فيها راح رماه فى الصحرا وبعد يومين الراجل حس بالذنب راحلو لقيه مرمى على الارض والنسور والصقور بتحوم حوليه راح الراجل قله :حبيبى انت مت ولا ايه راح الكتكوت قله : الله يخرب بيتك بوظت الكمين

- اتنين شيالين هيوصلوا تلاجة الدور100 ومفيش اسانسير قال الاول عندى لك خبر حلو وخبر وحش اقول اى واحد الاول قال الخبر الحلو قال احنا الان فى الدور 99وفاضل دور ونوصل ال100 والخبر الوحش العمارة غلط .

- ‏التلميذ : ‏بحبك يا أبله و عاوز أتجوزك…. ‏المدرسه: ‏بس أنا مبحبش الأولاد الصغيرين التلميذ: ‏وأنا مش مستعجل على الأولاد

- واحد قاعد مع خطيبته في لحظة رومانسية وقاللها حبيبتي سمعتي حاجة ... قالتلو لا ... قاللها ولا شميتي